“Алтан говийн тэмээн сүрэг” төрийн бус байгууллагаас “Түүхийг хамтдаа бүтээцгээе” уриан дор 10 мянган тэмээн сүргийн цуваат аяныг ирэх есдүгээр сарын 22, 23-нд зохион байгуулах аж. Ингэснээр дээд амжилт тогтоож “Гиннесийн ном”- д бүртгүүлэх саналыг Гиннесийн амжилт байгууллагад хүргүүлснийгхүлээн авчээ. Дэлхийд дээд амжилт тогтоох хүсэлтэй 120 сая хүн Гиннесийн амжилт байгууллагад ханддаг бөгөөд өмнө нь тэмээн сүргийн цуваагаар уг номд орж байгаагүй гэнэ. Нэмж дуулгахад, 10 мянган тэмээн сүргийн цувааны талаархи сурталчилгааг СNN, BBC, National geographic, Discover зэрэг дэлхийд алдартай мэдээллийн сувгаар цацах юм байна.