-Олимпийн эрх олгох тэмцээн болохоор тамирчин бүр л амжилт гаргахын төлөө зүтгэсэн нь лавтай. Энэ утгаараа барилдсан бөх бүр хүчтэй өрсөлдөгч байлаа. Тэмцээнд 200 гаруй орны тамирчин оролцсоноос манай улсаас 17 жинд өрсөлдсөн. Би эхний тойрогтоо 2008 оны олимпийн хүрэл медальт Польшийн бөхийг хожиж, Энэтхэгийн бөхийг ялсан. Дараа нь энэ оны Европын аварга бөхтэй шийдвэрлэх барилдааныг хийж түрүүлсэн. Аваргын барилдаанд өмнөх олимпод Украин Улсын өмнөөс оролцсон бөхтэй таарсан. Энэ тамирчин дэлхийн аваргын мөнгө, хүрэл медальтай, туршлагатай нэгэн. Өмнөх олимпод манай улс миний жингийн эрхийг авч чадаагүй. Энэ жил жиндээ олимпийн эрх авсандаа баяртай байна.

-Шийдвэрлэх барилдаан хийсэн бөх хүчтэй байсан. 

-Үндэсний шигшээ багийн дасгалжуулагч Т.Сүхбаатар багш маань зөвлөсөн. Багш аваргын тулаанаас илүү олимпийн эрхийн барилдааны үеэр их зөв лөсөн. Би барилдааны эхний цагт болохоор дараагийн үедээ сайн барилдах шаардлагатай болсон. Тэгээд барилдааны үеэр багш уруугаа харахаар “Тайван тайван. Чи чадна” гэж хэлсэн. Би багшийнхаа хэлсэн энэ үгэнд урамшаад сайн барилдсан гэж бодож байна. 

-2009 оны есдүгээр сарын 29-ний өдөр Т.Сүхбаатар багштай хамт гавьяат цолоор шагнуулсандаа их бахархаж баярладаг. 

-2004 оны олимпийн чөлөөт бөхийн төрөлд хоёр, 2008 онд гурван тамирчин оролцсон. Харин энэ удаагийн олимпод эмэгтэйчүүд бүх жинд бүрэн бүрэлдэхүүнээрээ оролцохоор боллоо. Одоо амжилт гаргахын төлөө бэлтгэл сургуулилтаа сайн хийх л үлдлээ дээ. 

 -Давшилт сайтай, хурдтай байхгүй бол бярдуулах гээд байдаг тал бий. Зарим бөхчүүд жингээ нэлээн хасч ордог. Харин би хасдаггүй. Монголын бөхчүүд ямар ч орны тамирчдаас дутахааргүй бяртай. Энэ нь барилдаан дээр харагддаг юм. 

-Ээжийн талд аймгийн цолтой бөх байсан гэж ярьдаг. Түүнээс өөр спортын хүн манай гэр бүлд байхгүй. 

 -Голдуу сугадаж барилддаг. Сугадаанаасаа холбож мордох мэхийг сайн хийдэг. 

-Ер нь судалгаа хийдэг. Дэлхийн аварга шалгаруулах тэмцээнд явахын өмнө жингийнхээ тамирчдыг судалсан. Одоо үргэлжлүүлээд барилдаантай нь танилцана даа.

-Спортын төв ордныхоо зааланд дасгалжуулагчынхаа удирдлага дор бэлтгэл сургуулилтаа хийнэ. Энэ сарын 10-нд спартакиад эхэлнэ. Түүний дараа “Дэлхийн цом”- ын тэмцээн Токиод болно. Энэ удаагийн тэмцээнд дэлхийн найман орны шилдэг тамирчид оролцох юм. Тиймээс тамирчид “Дэлхийн цом”-ын тэмцээнд илүү анхаарал хандуулж байгаа.