Ж.Эрдэнэбат УИХ-ын гишүүний тангаргаа өргөж, чуулганы хуралдаан завсарлав
- 2021-03-18
- Улс төр
- 3
УИХ-ын чуулганы өнөөдрийн хуралдаанаар, УИХ-ын 2020 оны сонгуульд Сэлэнгэ аймгаас сонгогдсон Ж.Эрдэнэбат гишүүнийхээ тангаргийг өргөлөө.
Ерөнхий сайд асан Ж.Эрдэнэбат УИХ-ын 2020 оны ээлжит сонгуулийн 13-р тойрог Сэлэнгэ аймагт нэр дэвшсэн бөгөөд сонгуулийн саналын дүнгээр тойрогтоо нэгдүгээр бичигдсэн. Сонгуулийн сурталчилгааныхаа хугацаанд цагдан хоригдож, хорих ангиас сонгуульд өрсөлдсөн түүнд Сонгуулийн ерөнхий хороо 2020 оны зургадугаар сарын 26-ны өдөр гишүүний үнэмлэх олгосон юм.
Гэвч тэрбээр цагдан хоригдож байсан тул тангараг өргөх ёслолд оролцоогүй бөгөөд түүнийг суллах шийдвэрийг 2021 оны гуравдугаар сарын 3-ны өдөр Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхээс гаргасан бөгөөд ийнхүү өнөөдөр тангараг өргөж, УИХ-ын гишүүн болж байна.
Түүнийг хэрэг нь шийдэгдээгүй энэ цаг үед тангараг өргүүлэх нь буруу хэмээн Ерөнхийлөгч чуулганы танхимд үгээ хэлсэн бол УИХ дахь АН-ын бүлэг тангараг өргөхийг эсэргүүцэж, чуулганы танхимыг орхисон юм.
Сэтгэгдэл (3)
059 (103.14.38.134)
5 sayar uurhai avchikhdag yum bol ....bid nar bas avmaar l bna sh dee....ichikhgui tangarag urguchikhjee...am khel ni yaj evlej khelj bnaaaaa.....
зочин (59.153.113.60)
сонгогчдын дэмжлэгээр гарч ирсэн тул тангараг өргөх нь зөв түүнээс биш төрийн томилгоо биш
зочин (202.9.41.59)
илт баригдсан хулгайч, луйварчинг төрд залсан монголын муухайширал эмэгнэлтэй. өөрсддөө л төр юм байх даа. новш гэж.