Хятадын эрх баригчид Ойрхи Дорнодын хамгийн том мэдээллийн агентлаг “Аль-Жазира”-гийн сурвалжлагчийг эх орноосоо хөөжээ. Үүний дараа тус агентлаг Бээжин дэх мэдээллийн газраа хаасан байна. Дэлхийн халуун цэг Ойрхи Дорнодын нөхцөл байдлыг олон улсад мэдээлдэг тус агентлагийн Мелисса Чаны виз болон сурвалжлагчийн үнэмлэхний хугацааг Хятадын албаныхан сунгахаас татгалзсан байна. Англи хэлээр мэдээ материал бэлдэж дамжуулдаг М.Чан 2007 оноос хойш Бээжин дэх “Аль-Жазира”-гийн сурвалжлагчаар ажиллажээ.