Зуны олимпийн наадмын ширээний теннисний төрөлд олимпийн эрх олгох сүүлийн тэмцээн маргааш Катарын нийслэл Доха хотноо эхэлнэ. Нийтдээ 116 тамирчин өрсөлдөх уг тэмцээний эхний хоёр байрт шалгарсан тамирчдад олимпийн эрх олгох юм. 15 улсын 24 шүүгч оролцох тус тэмцээнд Монгол Улсын шүүгч Э.Мөнхбилэг ажиллахаар болжээ. Тэрбээр 2010 онд Сингапурт болсон өсвөрийн олимпийн наадмын шүүгчээр ажиллаж, удаа дараа улс, тив, дэлхийн чанартай дээд төвшний тэмцээнийг шүүж байсан туршлагатай, манай теннисний спортын анхны олон улсын шүүгч юм.