Загварын ертөнцийн шинэ өнгө төрхийг тодорхойлох “Face of Mongolia” наадмын эцсийн шалгаруулалт энэ сарын 25-нд СТӨ- нд болно. “Монгол модель” агентлаг, “BВQ MGL” компани хамтран зохион байгуулж буй наадмын эхний шалгаруулалтад Дархан, Эрдэнэт, Улаанбаатар хотоос нийт 200 гаруй оролцогч өрсөлдсөн юм. Тэмцээний ялагч нь “Asia new face contest” наадамд эх орноо төлөөлөн оролцох эрхээр шагнуулна. Мөн эцсийн шатанд тунасан охидыг БНСУ-ын их, дээд сургуульд зуучилж, “Asian model” агентлагтай гэрээ хийх эрхээр шагнах ажээ.