Авлигын талаар бичсэн сэтгүүлчийг шагнах санал гаргав ОХУ-ын Ерөнхий сайд Дмитрий Медведев авлига, хээл хахууль, луйврын хэргүүдийг илрүүлэн бичсэн сэтгүүлчдэд шагнал олгох санал гаргасан байна. Ингэснээр албан тушаалаа урвуулан ашиглагч цагаан захтнуудтай тэмцэж чадна гэж үзжээ. Д.Медведев авлига, хээл хахууль тус улсад тулгамдаад буй гол асуудлуудын нэг гэж тодорхойлоод ийм төрлийн хэрэг өсч байна гэсэн аж. Д.Медведев энэ сарын 7-ны өдөр Ерөнхийлөгчийн албан тушаалаа В.Путинд шилжүүлсэн бөгөөд 8-ны өдөр Төрийн Дум түүнийг Ерөнхий сайдаар томилсон юм.