Сүүлийн 24 цагт манай улсад коронавируст халдварын 2225 тохиолдол шинээр бүртгэгдэж, 2269 хүн эдгэрчээ. Мөн 0-80 насны нийт 15 хүн архаг хууч өвчтэй, ковид хавсарсан шалтгаанаар нас баржээ.

Шинээр бүртгэгдсэн тохиолдлуудын 1015 нь Улаанбаатар хотод, 1210 нь орон нутагт байна. Одоогоор 22214 хүн эмнэлэгт хэвтэн эмчлүүлж байгаагаас 4143 нь хүүхэд, 1531 нь жирэмсэн эх байгаа аж. Гэрийн хяналтад 53834 хүн байна.