Испанийн эзэн хааны “Реал Мадрид” баг “Ла лиг”-ийн тэмцээнд 32 дахь удаагаа түрүүлсэн. Нийслэл хотын багийн тод од Криштиан Роналду энэ улиралд “Ла лиг”-ийн бүх багийн хаалганд гоол оруулсан гайхамшигтай амжилтын эзэн боллоо. Криштиан Роналду хоёр хоногийн өмнө болсон тоглолтод “Мальорка”-гийн хаалганд мөргөж гоолдсоноор энэ улиралд “Ла лиг”-ийн 17 багийн хаалганд гоол оруулсан рекорд тогтоосон юм. Тэрбээр энэ улиралд 46 гоол оруулсан бол “Барселона” багийн Лионел Месси 50 гоолоор лигийн мэргэн буучдын жагсаалтыг тэргүүлсэн билээ.