Франсуа Олланд албан ёсоор Францын шинэ Ерөнхийлөгч болж, тангаргаа өргөлөө. Ноён Холланд өөрийн тангараг өргөх ёслолдоо оролцохоор өнөө өглөө Элисе Ордонд хүрэлцэн ирсэн бөгөөд тэрээр өмнөх Ерөнхийлөгч Николас Саркозигийн хамтаар олон түмэнтэйгээ мэндчилсэн байна. Олланд нь Францын Ерөнхийлөгчийн эрхэм суудалд 17 жилийн дараа заларч байгаа анхны Социалист удирдагч болж байгаа билээ. Олланд өөрийн тангараг өргөх ёслол дээр хэлсэн үгэндээ “Европ орон санхүүгийн хямралд орж, хүндхэн нөхцөл байдалтай нүүр тулаад байгаа хэдий ч, Францын ард түмэн бид хүчээ нэгтгэн үүнийг давж чадна” хэмээн онцолсон байна.Тэрээр тангараг өргөх ёслолынхоо дараа шинэ Ерөнхийлөгчид зориулсан ялалтын парадыг үзэж сонирхжээ.