Монголын чөлөөт бөхийн холбооны ээлжит бус их хурал Тусгаар тогтнолын ордонд болж, "Эрдэнэт үйлдвэр"-ийн Ерөнхий захирал Х.Бадамсүрэн Монголын чөлөөт бөхийн холбооны ерөнхийлөгчөөр сонгогджээ. Хурлаар Монголын чөлөөт бөхийн холбооны дүрмийг шинэчлэн батлахаас гадна удирдах зөвлөлийн гишүүдийн болон холбооны ерөнхийлөгчийн сонгуулийг зохион байгуулсан юм.

“Нэгэн зорилгын төлөө нэгдмэл сэтгэлээр урагшилцгаая” уриатай ээлжит бус их хурлаар МЧБХ-ны сүүлийн 13 жилийн талцал хуваагдал, үл ойлголцлыг эцэс болгож, холбооны 29 гишүүнтэй Удирдах зөвлөлийн бүрэлдэхүүнийг баталжээ. 

Тухайлбал, МЧБХ-ны Тэргүүн Дэд Ерөнхийлөгчөөр Ерөнхийлөгчийн Тамгын Газрын дарга Я.Содбаатар, Дэд Ерөнхийлөгчөөр П.Гансүх, Ерөнхий нарийн бичгийн даргаар П.Буяндэлгэр нарыг сонгожээ.