МИАТ ТӨХК нийт зорчигч, үйлчлүүлэгчдээ бухимдуулсандаа гүнээ хүлцэл өчлөө
- 2022-10-13
- Нийгэм
- 1
2022 оны 10 дугаар сарын 12-ны өдрийн Улаанбаатар-Франкфурт чиглэлийн ОМ137 аяллаар Монгол Улсын Ерөнхий сайд Л.Оюун-Эрдэнэ Холбооны Бүгд Найрамдах Герман Улсын Канцлер Олаф Шольцын урилгаар тус улсад албан ёсны айлчлал хийх болсонтой холбоотойгоор тухайн чиглэл нь Улаанбаатар-Берлин-Франкфурт болон өөрчлөгдөх шийдвэр 2022 оны 10 дугаар сарын 3-ны өдөр МИАТ ТӨХК-аас гарсан юм.
ОМ137 аялалд ийнхүү өөрчлөлт орсон тул тус нислэгээр зорчих 217 зорчигчдод “тухайн нислэгийн чиглэл Улаанбаатар-Берлин-Франкфурт болон өөрчлөгдсөн” тухай мэдээллийг 2022 оны 10-р сарын 4-ний өдөр хүргүүлж, дамжин нисэх 37 зорчигчийг хамгийн түрүүнд буухаар хаалганд ойрхон суулгаж, вагоноор цааш зорчих 31 зорчигчдийн тээшийг түрүүлж буулган саадгүй вагонд нь суулгасан бөгөөд нэг ч зорчигч цааш дамжин явах нислэг, галт тэргээсээ хоцроогүй болно.
Мөн “Чингис Хаан” ОУНБ дахь МИАТ ТӨХК-ийн бүртгэлийн цэгт тухайн нислэгийн мэдээллийг “Улаанбаатар-Берлин-Франкфурт” гэж зарлан зорчигч тухай бүрт 10 дугаар сарын 3-ны өдөр тухайн нислэгт гарсан өөрчлөлтийн талаархи мэдээллийг баталгаажуулж өгсөн.
Гэвч гадаад улсаас онлайнаар тийз захиалсан зарим зорчигчдод системийн ялгаатай байдлаас шалтгаалан нислэгийн өөрчлөлтийн талаарх мэдээлэл очоогүй байсан бөгөөд нислэг эхлэхээс өмнө тодорхой зохицуулалтыг хийж дамжин тээврийн асуудлыг шийдэж өгсөн болно.
Иймд МИАТ ТӨХК нийт зорчигч, үйлчлүүлэгчдээ бухимдуулсандаа гүнээ хүлцэл өчье.
Цаашид МИАТ ТӨХК онлайнаар тийз авсан зорчигчдод мэдээллийг шуурхай хүргүүлэх чиглэлээр онцгой анхааран хичээн ажиллах болно.
Сэтгэгдэл (1)
НИСЭХИЙН ХҮН (103.111.68.3)
ЭНЭ НЭГ ХЭДЭН ЦҮНХ БАРИГЧ, АНУ-Д ПИЦЦА ЗӨӨЖ БАЙГААД ИРСЭН МАНГАР ПАЦАНУУД УЛСЫН АЖЛЫГ УНАГАЖ ДУУС Ч БАЙНА ДА. МИАТ -ЫН ГРАФИКТ НИСЛЭГИЙГ ИНГЭЖ ДУР ЗОРГООРОО ӨӨРЧИЛЖ ЗОРЧИГДООР ТОГЛОЖ БОЛОХГҮЙ. ОНЦГОЙ ҮҮРГИЙН НИСЛЭГИЙГ ЗОРЧИГЧТОЙ ХАМТ ХИЙДЭГГҮЙ БАЙТАЛ ХАР ПЯЛДАГУУД ЧИНЬ ЕС-Д ПЯЛДАГНАЖ ӨӨР ХОТОД БУУЛГАСАНД ХҮМҮҮС БУХИМДАХ НЬ АРГАГҮЙ БАЙНА.. УГ НЬ ЭНЭ ӨДРИЙН НИСЛЭГИЙН НЭГ ЦАГИЙН ӨМНӨ ЭХЛҮҮЛЭЭД ЕС-ИЙГ ЭХЭЛЖ ХҮРГЭЭД ЦААШ ХӨӨРӨН ЗОРЧИГЧДОО БУУХ ГАЗАРТ НЬ ЦАГИЙН ХУВААРИЙН ДАГУУ ХҮГЭХЭД Л ЯМАРЧ ЧИРЭГДЭЛГҮЙ БОЛОХ БАЙЛАА. МИАТ МУУ БИШ МИАТ-ЫН ЗАХИРЛЫН СУУДАЛД ДАНДАА ШАХААНЫ ЦҮНХ БАРИГЧИД ЗАЛАРЧ БАЙГААГААС МИАТ-ЫГ ИНГЭЖ Л ДАМПУУРУУЛААД БАЙНА. САЯХАН ЕК -ИЙГ САМАРКАНДРУУ ТЕХНИКИЙН ДУТАГДАЛТАЙ ОНГОЦООР ЯВУУЛЖ ТЭР НЬ ИЛЭРЧ ХҮНИЙ НУТГИЙН ХООСОН АЭРОПОРТ ДЭЭР 8 ЦАГ ХҮЛЭЭЛГЭСЭН, МӨН ТЭР ДУТАГДЛАА АРИЛГАЛГҮЙ 250 ЗОРЧИГЧТОЙ БЕРЛИН НИСЧ ЗАМДАА БОЛОХОО БАЙГААД МӨРӨНГИЙН ТЭНДЭЭС БУЦАЖ ИРЖ УБ-Т БУУСАН, НИСГЭГЧИД НЬ АРХИ УУДАГ, ХАР ТАМХИ ХЭРЭГЛЭДЭГ, ХОЛБООГҮЙ НИСЧ БАЙЛДААНЫ ОНГОЦООР ХАШУУЛЖ АЛБАДАН БУУЛГАЛТ ХИЙЛГҮҮЛЭХ ШАХСАН ГЭЭД АЮУЛГҮЙ БАЙДАЛ ЗӨРЧСӨН НОЦТОЙ ХЭРГҮҮД Ч ТАСРАХГҮЙ НЬ ДЭЭ. МИАТ-ЫГ МЭРГЭЖЛИЙН ХҮМҮҮС Л АВРАНА.