Английн хөлбөмбөгийн "Манчестер Юнайтед" клуб дэлхийн хамгийн алдартай багаар шалгарчээ. "Кантар" агентлагийн судалгаагаар, "МЮ"-г дэлхий даяар 659 сая гаруй хүн хөгжөөн дэмждэг байна. Харин дэлхийн хүн амын 1,6 тэрбум нь хөлбөмбөг сонирхдог бөгөөд ингэснээр спортын хамгийн түгээмэл төрөл болж байгаа юм.

Сонирхолтой нь, "МЮ" нь Европ тивд 90 сая хөгжөөн дэмжигчтэй байгаа бол харин Ази, Номхон далайн бүс нутгийн орнуудад тус клубыг 325 сая, Африк, Ойрхи Дорнодод 173 сая хүн хөгжөөн дэмждэг байна. Санал асуулгад дэлхийн 39 орны 54 мянган хүн оролцсон нь 2007 онд явуулж байсан санал асуулгаас хоёр дахин нэмэгджээ.