1925 оноос хойш 16 нас хүртэлх хүүхдүүдийн дунд жил бүр уламжлал болгон зохиосоор ирсэн “National Spelling Bee Champion” буюу Зөв үсэглэн дуудах тэмцээний үндэсний ялагчийг тодруулах тэмцээн өнгөрөгч пүрэв гарагт Вашингтон хотноо амжилттай болж өндөрлөсөн байна. Наадамд оролцогч хүүхдүүд олон үсэгнээс бүрдсэн, урт үетэй,  хэцүү үгийг үсэг үсгээр салган зөв дуудаж, авьяас билэг, авхаалж самбаагаараа өрсөлддөг юм.

Энэ жилийн наадмын ялагчаар Сан Диаго хотоос шалгаран ирж, оролцсон Снигда Нандипати охин тодорсон бөгөөд тэрээр 30000 ам.долларын бэлэн мөнгө, 2500 ам.долларын хадгаламж, 5000 ам.долларын сургалтын тэтгэлэгийн эзэн болжээ.