Өнгөрөгч шөнө буюу 1 дүгээр сарын 18-наас 19-нд шилжих шөнө баруун, төв, говийн аймгуудын ихэнх нутгаар хүчтэй салхи салхилж, цасан шуурга шуурсан тул үүссэн цасан хунгарыг ачигчаар түрж цэвэрлэх, автозамын зорчих хэсгийг хусах, халтиргаа гулгааг бууруулах зорилгоор бодис, давс, элс болон хайрга цацах ажлууд хийгдэж байна.

Гэсэн хэдий ч явган шуурганы улмаас замын зорчих хэсэгт гулгаа үүсдэг тул анхаарал болгоомжтой зорчих, хол ойрын замд гарахдаа хувийн бэлтгэлийг сайтар хангаж, автомашины бүрэн бүтэн байдлыг хангаж зорчихыг анхааруулж байна.