Хятад улс Цагаан хэрмээ хэмжиж, өмнө нь тооцоолж байснаас хэд дахин урт болохыг нь олж тогтоолоо. Хятадын Төрийн Удирдлагат Соёлын Өвийг Хамгаалах нийгэмлэгээс өчигдөр мэдэгдэл хийсэн бөгөөд дэлхийн хамгийн урт хан хэрэм 21,196 км урт болохыг нь нарийвчлан тогтоосон байна.

Хойд угсаатны цөөнхөөс улс гүрнээ хамгаалахаар барьсан их хэрмийг гурван жилийн өмнө хэмжин ойролцоогоор 8,851 км урт хэмээж байсан юм. Цагаан Хэрмийг 1987 онд Дэлхийн Соёлын Өвд бүртгэж, хамгаалалтандаа авсан боловч, байгаль, цаг уурын  нөлөөллөөр түүний ихэнх хэсэг нь салхи бороонд идэгдэн үйрч, сүйрсээр байгаа гэнэ.

Хятадын засгийн газрын төслийн багийнхан он цагийн урсгалд идэгдсэн хэсгийг засч, сэргээхээр төлөвлөөд байна.