Их Британийн Ерөнхий сайд Дэвид Кэмерон “Герман Улс Европын хямралыг ганцаараа зохицуулж чадахгүй” гэж мэдэгджээ. Тэрбээр Германы канцлер Ангела Меркелийг “Евро бүсийн санхүүгийн хямралын асуудлаар онцгойрох ёсгүй. Европын ямар ч удирдагч энэ хямрал дээр онцгойрч чадахгүй” гэж шүүмжилсэн байна. 

Д.Кэмерон маргааш /өнөөдөр/ хатагтай Меркельтэй уулзах бөгөөд уулзалтынхаа өмнө дээрх мэдэгдлийг хийлээ. Өнгөрөгч мягмар гаригт Д.Кэмерон АНУ-ын Ерөнхийлөгч Барак Обаматай уулзах үеэр Европын хямралыг даруй зогсоох нь зүйтэй гэдэг дээр санал нэгдэж, “шуурхай төлөвлөгөө” батлахыг харилцан зөвшөөрчээ.