Хоёр дахь жилдээ зохиогдож буй ХЗДХ-ийн сайдын эрхлэх асуудлын хүрээний агентлаг, байгууллагуудын спортын наадам болж өндөрлөлөө. Энэ жилийн наадмыг  “Цагдаагийн байгууллагын нэрэмжит” болгон ЦЕГ-ынхан зохион байгуулжээ. Тус наадамд ХЗДХЯ, ЦЕГ, ШШГЕГ, ХХЕГ, ДХИС, ТТАХНЭ, АЕГ, ХЗҮХ, ШШҮХ, УБЕГ, ГИХАЭГ, Оюуны өмчийн газрын эрэгтэй, эмэгтэй багийн тамирчид гар болон сагсан бөмбөг, хөнгөн атлетикийн буухиа гүйлт, буудлага, шатар гэсэн спортын таван төрлөөр оюун ухаан, хурд хүч, авхаалж самбаагаа сорин өрсөлдсөн юм. 

Байгууллагын нэгдсэн дүнгээр тэмцээний ялагчаар ЦЕГ тодорч өмнөх жилийн амжилтаа бататгаж  чадлаа. Харин удаахь байруудыг Хил хамгаалах ерөнхий газар, Дотоод хэргийн их сургууль эзлэв. Спортын II наадамд байгууллага, хамт олноо идэвхтэй бэлтгэн оролцуулсан агентлаг, байгууллагуудын удирдлагуудад ХЗДХЯ-ны Төрийн нарийн бичгийн дарга Г.Баясгалан дурсгалын зүйл гардуулж баяр хүргээд, спортын III наадмыг ирэх жил Хил хамгаалах ерөнхий газар хариуцан зохион байгуулахыг мэдэгдлээ.