Их Монгол улс байгуулагдсаны 806 жил, Ардын хувьсгалын 91 жилийн ойн улсын их баяр наадамд хурд хүч авхаалж самбаагаа сорих хүчит бөхчүүдийг энэ сарын 9, 10-нд бүртгэнэ. Бүртгэл бөхийн өргөөнд  явагдах бөгөөд улсын баяр наадамд уламжлалт хууль дүрмийн дагуу даатгуулсан 18-аас дээш насны улс аймгийн цолтой 512 бөх барилдах юм. Жич: Барилдах бөхчүүд бүртгүүлэхээр ирэхдээ хоёр хувь цээж зураг, цолны үнэмлэхээ авчирч өөрийн биеэр бүртгүүлэх ёстой юм байна.

                                                                                                      Л.Ариунцэцэг

www.unen.mn