Перу Улсын эртний дурсгалт газрууд, түүхийн үнэт олдворуудаараа дэлхийн жуулчдыг татдаг. Сүүлийн жилүүдэд энэ улсад эртний эд өлгийн зүйлсийн хууль бус наймаа газар авч байгаа.
Үүний тод илрэл болж саяхан Перугаас Америк уруу 14 ширхэг эд өлгийн ховор олдворыг хулгайгаар нэвтрүүлснийг цагдаагийн байгууллага илрүүлэн эх оронд нь буцаах шийдвэр гаргалаа.
Олдворууд дотор XVIII зууны үеийн шашны зураг, хүрэл илд, эртний ваар, хээ угалзаар гоёсон эмэгтэй хүний бүс зэрэг эд зүйл байжээ. Түүнчлэн “2000 жилийн өмнөх археологийн дөрвөн олдвор байсан” хэмээн албаныхан мэдээлж байна.