Грек улсад өнгөрсөн оны хавраас хойш олныг хамарсан жагсаал, эсэргүүцлийн хөдөлгөөн тасрахаа больсон. Төрийн байгууллагуудын олон асуудал, эдийн засгийн хатуу хяналтад хавчигдсан ард түмэн засгийн эсрэг босох болсон.
Тэгвэл өнгөрөгч амралтын өдрүүдээр Афинаас 20 км-ийн зайд орших зуун жилийн түүхтэй ууган үйлдвэрийн ажилчид тус улсын түүхэн дэх хамгийн урт хугацаа буюу есөн сарын хугацаагаар ажил хаях болсноо зарлажээ. Тус үйлдвэрийн 40 ажилтныг халснаас уг асуудал эхэлсэн аж.