Олимпийн 30-р наадмын боксын төрөлд манай улсаас дөрвөн ширэн бээлийтэн өрсөлдөж байгаа бөгөөд манайхан олимпийн гараагаа ялалтаар эхлүүлсэн билээ. Өнгөрсөн өдрүүдэд ширэн бээлийтнүүд маань өрсөлдөгчөө илт давуу ялж байсан бол энэ амжилтыг дахин бататгаж, гавьяат тамирчин У.Мөнх-Эрдэнэ 64 кг-ийн жинд Чехийн боксчин Зденек Чладекийг 20:12-ын харьцаатайгаар буулгаж авсан байна.