Бээжингийн олимпийн наадмын мөнгөн медальт, дэлхийн аварга П.Сэрдамба өнөөдөр Лондонгийн рингэнд эхний тулаанаа хийх гэж байна. Олимпийн боксын төрөлд эрэгтэйчүүдийн 49 кг-ын жинд эх орноо төлөөлж буй тэрбээр сугалаагаар эхний тойрогт гоц мөргөсөн юм. Харин өнөөдөр хоёрдугаар тойрогт буюу шөвгийн 16-д Энэтхэгийн тамирчин Девендро Сингх Лаишрамтай тоглох юм. Тулаан Монголын цагаар 21.15 цагт эхлэх хуваарьтай байна.