ОХУ “Курск”-ийн ослоор амь үрэгдэгсдийг дурссан байна. Одоогоос 12 жилийн өмнө буюу 2000 оны наймдугаар сарын 12-нд Баренцын тэнгист ОХУ-ын цөмийн шумбагч хөлөг онгоц “Курск” живж, 118 далайчин бүгд амь үрэгдсэн юм. Эл өдөр оросууд “Умард Флот”-ын 118 тэнгисийн цэрэгт хүндлэл үзүүлж, Оросын тэнгисийн бүх флотод гашуудлын арга хэмжээ болжээ. Усан онгоц, шумбагч онгоцууд далбаагаа бөхийлгөж, “Курск”- ийн сүйрсэн хугацаа буюу 11 цаг 28 минут чимээгүй зогсчээ. Дашрамд дурдахад “Курск” хамгийн ойрын эрэг буюу Североморскоос 175 километрийн зайд, тэнгисийн 108 метрийн гүн ёроолд живсэн юм.