Өнгөрсөн 7 сарын Нагоя башёд түрүүлсэн мэргэжлийн сүмогийн Озэки Харүмафүжи энэ сарын 13-нд эх орондоо ирсэн байна. Ирэх 9-р сарын тэмцээнд Ёкозүна цолны төлөө барилдахаар болсон түүнд Сүмогийн Холбооноос доод тал нь 13 ялах болзол тавиад байгаа ба зүүн хөлийн гэмтлээ эмчлүүлэх, аавыгаа нутаглуулсан газрыг эргэхээс гадна цэвэр агаарт амран ирэх тэмцээнд бэлтгэхээр ирээд байгаа юм. Харүмафүжи Монголд амрах хугацаандаа ёкозүна Асашёорюүтэй уулзаж, Ёкозүна болсон туршлагаас нь сонсон, Монголын чөлөөт бөхийн холбооны хүндэт ерөнхийлөгч Асашёорюү Лондонгийн олимпод чөлөөт бөхийн багийнхны авсан хүрэл медалийг Харүмафүжигийн 7-р сарын түрүүтэй хамтатган тэмдэглэхээр болсон байна.