Засгийн газраас явуулж байгаа архины хэрэглээг хязгаарлах олон үйл ажиллагаа явуулж байгааг Японы үндэсний “NHK”телевизийн сэтгүүлч Вакаго Исада Улаанбаатар хотоос сурвалжлага хийжээ. Монгол улс архидалтын эсрэг хөтөлбөрүүдийг ихээр дэмжих болсон. Хуримын ордонд болж буй хуриманд ирсэн зочид хундага тулгах мөчид ширээн дээр архи харагдахгүй байлаа. Харин үүний оронд цагаан сүүний дээжийг тавьсан байна. Монгол улсын хувьд архидалт нийгмийн тулгамдсан асуудал болоод байгаа өнөө үед Засгийн газраас дээрх шийдвэрийг гаргасан нь цаг үеэ олсон явдал байсныг хэлэх нь зүйтэй. Монгол улсын Ерөнхийлөгч Цахиагийн Элбэгдорж  ард иргэддээ шинэ оны мэнд хүргэхдээ архи биш сүү өргөсөн нь энэхүү үйл ажиллагааг дэмжсэн явдал болсон аж. Түүнчлэн сар бүрийн нэг өдрийг архины төрлийн ямар ч зүйл худалдаалахгүй байх шийдвэр гаргасан байна. Ямар ч дэлгүүрээр орсон архины төрлийн бүтээгдэхүүний өмнүүр даавуу бүтээн архи худалдаалахгүй гэдгийг бичсэн байгаа. Энэ өдөр архи худалдан авах болон архиар үйлчлэх нь хуулиар хориотой тул уушын газрууд ч архины төрлийн бүтээгдэхүүнээр үйлчилдэггүй. Хэрэв дээрх шийдвэргийг зөрчвөл тухайн шууд газрыг хаах шийдвэр гаргажээ. Мэдээж дэээрх шийдвэр нь томоохон архи үйлдвэрлэгчдэд багагүй хүндрэл учруулсан ч архи үйлдвэрлэгчид цэвэр усны бизнест хүч сорих болсон байна. Нийгмийн тогтолцоо нь ийм байдал үүсгэж байгаа тул үүндээ зохицон ажиллах болно гэдгээ ч томоохон архи үйлдвэрлэгчид хэлж байсан.