Гуравдахь өдрөө үргэлжилж буй паралимпийн өнөөдрийн тэмцээнд манай улсын гурван тамирчин өрсөлдөнө.Байт харвааны эмэгтэйчүүдийн хувийн харваанд өрсөлдөж буй 19 тамирчнаас манай ОУХМ Б.Жавзмаа,ОУХМ Б.Оюун-Эрдэнэ нар хасагдах шатны халз тулаанд өрсөлдөх юм. Аравдугаар байрт шалгараад буй тэдний онооны хувьд Б.Жавзмаа 524 (258+266) байгаа бол ОУХМ Б.Оюун-Эрдэнэ 516 (240+276) оноотой байна. Жавзмаа Тайландын Васана Хутависаптай харин Оюун-Эрдэнэ Их Британийн Шэрон Веннардтай учраа таарчээ. Тэд энэ удаа ялвал байр ахиулах медалийн төлөө өрсөлдөнө. Харин гурав дахь тамирчин болох 29 настай жүдоч Д.Ганбат 90 кг-ийн жинд орон нутгийн 13:40 цагаас барилдана.