АНУ-ын Нью-Йорк хот дахь НҮБ-ын төв штабт эхэлсэн ерөнхий ассамблейн 67 дахь удаагийн чуулга уулзалтын хамгийн “халуун” долоон хоног эхэллээ. Уулзалтын сүүлийн долоо хоногт ерөнхий хэлэлцүүлэг болдог уламжлалтай. Мягмар гаригт эхэлсэн ерөнхий хэлэлцүүлгийн долоо хоногт дэлхий дахинд тулгамдаад буй асуудлуудыг шийдвэр гаргах төвшинд хэлэлцэх юм.
НҮБ-ын гишүүн орнуудын төр, засгийн тэргүүн болон Гадаад харилцааны сайд нарын оролцсон энэхүү уулзалтад Оросын төлөөлөгчид оролцож байгаа юм. Тэднийг тус улсын Гадаад харилцааны сайд Сергей Лавров ахалж иржээ. Ажиглагчдын мэдээлснээр, ерөнхий хэлэлцүүлгийн хамгийн чухал асуудлын нэг нь Сирийн хямрал байх аж.