Албаныхан тус эрхтэнг хурууны хээ унших төхөөрөмж ашиглан, хотын оршин суугч 31 настай Ханс Галассигийнх болохыг олж тогтоож, эзэнд нь мэдэгдсэн байна.
Ноён Галасси зургадугаар сарын 21-ний өдөр “хуруу тээгч” загасыг барьсан нууранд завьтайгаа аялж явсан бөгөөд салхины чиг огцом өөрчлөгдөн завь далбилзах үед бэхэлгээ олсноос барьтал олс хурууг нь гогцоолдон татаж, улмаар зүүн гарынх нь дөрвөн хурууг тасдаж орхисон гэнэ. Түүний хуруунуудаас их хэмжээний цус гарч, мах яс нь ил гарсан байсан тухай тэрээр сэтгүүлчдэд өгсөн ярилцлагандаа дурьдсан байна.
Ослоос хойш тэрээр гарандаа долоо хоногт хоёр удаа эмчилгээ хийлгэсээр байгаа аж. Албаныхан түүнийг олдсон хуруугаа буцааж залгуулахыг хүссэн боловч тэрээр татгалзсан байна. Мөрдөгчид түүнийг санаагаа өөрчилж, хуруугаа буцаан авч магадгүй хэмээн найдаж, хэсэг хугацаанд  хадгалж байхаар шийджээ.