Хөлбөмбөгийн холбооны нэрэмжит “Супер цом”-ын төлөөх тоглолт “Эрчим” клубын талбайд боллоо. Аваргын төлөөх тоглолт “Холбооны цом”, “Нийслэл лиг”-ийн аварга “Эрчим” баг, энэ жилийн “Холбооны цом”-ын дэд аварга “Хасын хүлгүүд” багийн хооронд өрнөв. Лигийн долоон удаагийн аварга “Эрчим” баг 7:2 харьцаагаар илүүрхснээр “Супер цом”-ын аваргаар тодорсон байна. Ийнхүү “Супер цом”-ын аварга “Эрчим” баг Азийн хөлбөмбөгийн холбооны “President сup” тэмцээнд оролцох эрхтэй болов.