Энэ бяцхан хүчирхэг эр бол Хятадын Анхуй мужийн Чужу хотын Фен Ян тосгоны долоон хүү настай  Ян Жинлон. Тэрээр долоохон настай хэдий ч биендээ байхгүй хүчтэй нэгэн аж. Төрөхдөө 5 кг жинтэй төрсөн тэрээр одоо ч үеийнхнээсээ биеэр чацархуу, тарган хэвээрээ.
Ян найман зорчигчтой , нийт жин нь 2 тонн бүхий суудлын автомашиныг 25 метр газар өлхөн чирдэг бөгөөд 90 кг жинтэй аавыгаа төвөггүйхэн үүрч, хаашаа л бол хаашаа хүргэж чаддаг гэнэ.  100 кг цемент бол түүний хувьд асуудал биш бөгөөд тосгоны оршин суугчид түүний чадлыг гайхан шагширдаг байна.
Эцэг, эх нь хүүгийнхээ тус авьяасыг улам хөгжүүлж, гиннесийн номонд бичүүлэх хүсэлтэй байгаа бөгөөд хүүгээ 10 нас хүрмэгцээ ачааны машин чирч чаддаг болно байх гэдэгт итгэлтэй байгаа гэнэ.