Швейцарийн иргэн, 22 настай эр дэлхийн ганцаарчилсан нислэг үйлдэж тойрсон хамгийн залуу хүн боллоо. Карло Шмид гэх тэрээр Жулес Вернийн тууж “Дэлхийг 80 өдөрт туулсан нь” –ийн адилаар 80 хоногийн дотор эх дэлхийг амжилттай тойрч чаджээ.Тэрээр долдугаар сарын 11-ний өдөр Зурикын нисэх буудлаас агаарын жижиг хөлөгтэйгөө гарсан бөгөөд 40000 км туулах бүртээ газардаж, хоол хүнс, түлшээ базаадаг байсан аж.

Тэрээр өнгөрөгч бямба гарагт анх хөөрсөн газартаа эргэн буусан бөгөөд гэр бүлийнхэн, найзууд, хайртай хүмүүс нь амжилтаар нь бахархан, түүнийг бүчин авч, баяр хүргэсэн байна. Шмид хүүхэд байхаасаа л онгоцонд дуртай байсан бөгөөд аавынхаа хамтаар нисэх онгоцны буудал дээр өнжих дуртай байсан гэнэ. Тэрээр өөрийн тус мөрөөдлөө биелүүлэхээр банкны ажлаасаа хүртэл гарсан байна.

Шмидийн өмнө АНУ-ын иргэн, 23 настай эр дэлхийг ганцаарчилсан нислэг үйлдэж, тойрсон хамгийн залуу хүн болж байсан бөгөөд тэрээр түүний амжилтыг ийнхүү эвдэж чадлаа.