Туркийн эрх баригчид экс Ерөнхийлөгч Тургут Озалыг хордож амиа алдсан байж магадгүй хэмээн сэжиглэж, түүний шарилыг шинжилгээнд хамруулахаар болжээ. Энэ дагуу цогцсыг Стамбул хот дахь оршуулгын газраас ухан гаргасан байна. Бүгд найрамдах улсын найм дахь Ерөнхийлөгч Тургут Озал 1993 оны дөрөвдүгээр сарын 17-нд буюу 66 настайдаа Анкара хот дахь Ерөнхийлөгчийн ордонд нас баржээ. Тэрбээр тухайн үед Ерөнхийлөгчөөр ажиллаж байсан юм. Түүнийг зүрхний шигдээс болсон гэж албаны дүгнэлт гарсан ч гэр бүлийнх нь хордож амиа алдсан гэж үзэж байжээ.