Английн далайн эргийн хот Свансигийн нэгэн ресторан хоёр насны ойгоо тэмдэглэж байсан бяцхан хүүд жүүстэй андуурч вискигээр үйлчилсэн хариуцлагагүй үйлдэл гарчээ. Түүний ээж Нина Рийс түүнийг бараг уугаад дуусч байх үед нь мэдсэн байна. Айж сандарч, шоконд орсон тэрээр уйлан хашгирч, зөөгч бүсгүйг дуудан үзүүлээд, удалгүй хэдийнэ нам унтаж орхисон байсан хүүгээ аван эмнэлгийг зорьсон байна.Эмч нар түүнийг үзээд ямар нэгэн асуудалгүй хэмээн оношилсон бөгөөд бага насны хүүхэд согтууруулах ундааг хэтрүүлэн хэрэглэсэн тул тархи, мэдрэлийн системд нь сөргөөр нөлөөлж болзошгүйг анхааруулжээ.
Бяцхан жаал одоо гэртээ байгаа бөгөөд рестораны зүгээс ямар учраас тус эндүүрэл болсныг тодруулж байгаа гэнэ. Соннигийн ээж хүүдээ дуртай нимбэгтэй усыг нь захиалсан бөгөөд уух зүйл ирэхэд хүү давстай юм идэж байсан тул уулгахаар соруулыг аманд нь хийж өгсөн аж. Нүүр нь чинэрэн улайсан байхаар нь гайхан өөрөө сорж үзтэл виски байсан хэмээн тэрээр ярьсан байна.
Гэрийнхэн нь түүний зургийг виски ууж байгааг мэдэхээсээ өмнө дарсан байжээ. Рестораны зүгээс уучлалт гуйж, ийм хэрэг явдал болсонд ихэд харамсаж байгаагаа илэрхийлсэн байна.