Грекийн Засгийн газрын албаныхны хамгийн сүүлд буюу өнгөрөгч долдугаар сард явуулсан судалгаагаар тус улсад ажилгүйдэл 25.1 хувьд хүрч, урьд өмнө нь байгаагүй анти амжилт тогтоожээ. Өөрөөр хэлбэл, тус улсад дөрвөн хүн тутмын нэг нь ажилгүй байна. Тэдгээр ажилгүйчүүдийн ихэнхийг залуучууд бүрдүүлж байгаа аж. Тэд нийт ажилгүй иргэдийн 54.2 хувийг эзэлж байна. Грекийн статистикийн ерөнхий газрын тооцоолсноор өнгөрөгч оноос өнөө хүртэл өдөрт 1000 гаруй ажлын байр үгүй болсоор иржээ. Тус улсад нүүрлэсэн эдийн засгийн хямрал, ажилгүйдэл 15-24 насныханд илүү хүнд туссан гэнэ. Энэ нь тэдний боловсролд маш том саад учруулж байгаа аж.