Сургууль гэдэг хүүхдүүдийн хоёр дахь гэр гэгддэг. Тиймээс ч, тэдний хоёр дахь эцэг эхнь багш нар байх учиртай. Гэсэн хэдий ч, үүнийг уландаа гишгэсэн аймшигт хэрэг мөн л Хятадад гарчээ. Тус хэргийг Хятадын нэгэн бага сургуулийнг багш Янхон Ян үйлдсэн бөгөөд түүний зүй бус харилцаа, хүчирхийллийг харуулсан зургуудыг нэр нь үл мэдэгдэх этгээдийн нууцаар авч олноо дэлгэсэн зураг ил болгожээ.
Цагдаа нарт мэдэгдэн, улмаар интернэтээр цацаж, олны хүртээл болгосон зурагнуудын хамгийн аймшигтай нь нэгэн хүүг чихнээс нь татан дээш өргөн шийтгэж, тус үйлдэлдээ баясан инээж буй зураг аж. Түүнчлэн, тэрээр хүүхдүүдийг толгойгоор нь хогийн саванд чихэж, эрэгтэй эмэгтэй сурагчдыг хооронд нь уруулаа нийлүүлэн, удаан зогсуулж, нүүр гар хөлийг нь скочдож, хогийн тосгуур толгойд нь углах зэргээр шийтгэдэг байсан нь бусад гэрэл зургуудаар гэрчлэгдсэн байна.
Түүнийг болон бусад хэд хэдэн багш нарыг одоогийн байдлаар цагдан хориод байгаа аж.Тэрээр хийсэн хэрэгтээ огтхон ч гэмшихгүй байгаа бөгөөд өөрийн тус үйлдлээ “Зүгээр л хэдхэн секунд хөгжилтэй байдлаар ийнхүү шийтгэдэг байсан” хэмээн цайруулах гэж оролдсон байна.Тус зургууд цахим хуудсуудаар цацагдаж эхэлснээс хойш Хятадын алдарт Вэйбогийн сүлжээ блог хуудсуудын гол сэдвүүдийн нэг болоод байгаа бөгөөд эдгээр хуудсуудад нийт 4,000,000 гаруй сэтгэгдэл бүртгэгдсэн байна. Сэтгэгдлүүдийн дунд “Эмэгтэй хүн байж, хүүхдүүдийг өрөвдөж хайрлах энэрэх сэтгэл байсангүй юу? хэмээн зэмлэн буруушаасан нэгний сэтгэгдэл төдийгүй, “Түүний тус үйлдэл Гэмт хэргийн тухай хуулийн дагуу шийтгэгдэх хуулийн заалт биш. Үгэнд орж, сурагчийн үүргээ биелүүлэхгүй байгаа хүүхдүүдийн ингэж шийтгэх нь зөв” хэмээн өөгшүүлэн өмөөрсөн сэтгэгдэл хүртэл байсан байна.