Банти Верма гэх нэгэн эр хаяж явсан эхнэрээ эргэн ирүүлэхээр хэлээ хайчилсан байна. 32 настай телевизор засварчин тэрээр Энэтхэгийн Сэндва хотод амьдардаг бөгөөд түүнээс залхаж, охиноо аван төрхөмдөө буцсан эхнэр Хэмагаа гэртээ эргэн ирэхийг шаардаж, ийнхүү зүй бус аашилсан гэнэ.
Тэрээр өөрийн хэлээ огтолсон явдлаа тайлбарлахдаа “ Харгис бүдүүлэг үг хэлж, хайртай эхнэрээ гомдоож явуулсандаа гэмшин,  хэлээ хайчилж, өөрийгөө шийтгэсэн” хэмээн тайлбарласан байна. Тэрээр одоо хотын эмнэлэгт хэвтэн эмчлүүлж байгаа бөгөөд орон нутгийн цагдаа нар өөрийгөө зэрэмдэглэсэн тус хэргийг нарийвчлан шалгаж байгаа аж.
Ойрын үед хэлээ огтолж, тасалсан, алдсан хэрэг амьтан хүнгүй гарч байгаа бөгөөд Атланта хотод амьдардаг 8 настай хүү Жаяла Смол хөлдүү төмөрт хэлээ нааж, салгаж чадалгүй 8 цаг байсны эцэст хэлгүй болсон бол Английн  Жак Расселл үүлдэрийн Олли нэртэй нохой гэнэт дайрсан махчин шувуунд хэлээ тасдуулж хэлээ мөн л алджээ.