Монголын волейболын холбооны ээлжит бус чуулган болж өнгөрлөө. Өмнө нь 2010 онд ээлжит чуулганаа хуралдуулан дүрмийн нэмэлт өөрчлөлт болон шинэ Удирдах зөвлөлийн бүрэлдэхүүнийг сонгож байсан бол энэ удаад цаг үеийн тулгамдсан асуудал болоод 2010 оны дүрмийн хэрэгжилтийн явц, дүрэмд нэмэлт өөрчлөлт оруулах зэрэг асуудлыг хэлэлцжээ.

Чуулганд 49 байгууллагын 180  гаруй төлөөлөгч оролцож, 12 жилийн турш тус холбоог тэргүүлсэн Х.Бадамсүрэнг үүрэгт ажлаас нь чөлөөлж, оронд нь Ц.Баярбаатарыг томилсон байна. Үүнээс гадна удирдах зөвлөлийн гишүүдийг шинэчилжээ. Харин Монголын волейболын холбооны генсекээр Ц.Бат-Энхээр хэвээр батлав.