"Израилийн Засгийн газар Газын зурваст явуулж буй цэргийн ажиллагаагаа өргөтгөх асуудлыг хэлэлцэж байгаа" гэж тус улсын Ерөнхий сайд Биньямин Нетаньяхутай ойр байдаг нэрээ нууцлахыг хүссэн эх сурвалж "Риа-Новости"-д мэдээлжээ.

    "Израилийн Засгийн газар Газын зурваст явуулж буй цэргийн ажиллагаагаа өргөтгөх асуудлыг хэлэлцэж байгаа" гэж тус улсын Ерөнхий сайд Биньямин Нетаньяхутай ойр байдаг нэрээ нууцлахыг хүссэн эх сурвалж "Риа-Новости"-д мэдээлжээ. Тэрбээр цааш нь "Газын зурвасаас тус улсын өмнөд хэсэг дэх цэргийн нэгтгэлүүд рүү халдах нь ихэссэн. Тиймээс энэ асуудлыг авч хэлэлцэж байна" гэжээ.
   Саяхан палестинчуудын хянаж буй Газын зурвасаас тус улсын өмнөд хэсэг рүү харвасан пуужинд Израилийн байлдааны автомашин өртөж, дотор нь сууж явсан дөрвөн цэрэг амь үрэгджээ. Өнгөрөгч хоёр өдрийн хугацаанд Газын зурвасаас нийтдээ 100 гаруй пуужин харвасан байна. Үүний хариуд Израиль Газын зурваст агаараас цохилт өгч зургаан палестины аминд хүрчээ. Тэдний дунд жирийн иргэн байжээ. Мөн 25 хүн энэ довтолгооны үеэр шархадсан байна.
   Юутай ч Палестины засаг захиргаа тусгаар тогтнолын асуудлаар НҮБ-д хандахаар болжээ. Ингэснээр 50 орчим жил үргэлжилж хоёр талын маргаан эцэс болох юм.