Их Эзэн Чингис хааны мэндэлсний 850 жилийн ойн баярт зориулсан хүчит 256 бөхийн барилдаан өчигдөр болж Архангай аймгийн Хашаат сумын харьяат улсын заан Чимэдрэгзэнгийн Санжаадамба найм даван түрүүлж, улсын харцага Ч.Содномдорж үзүүрлэлээ. Монголчууд дэлхийн түүхэнд анх удаагаа Их эзэн Чингис хааныхаа мэндэслний ойгоо тэмдэглэж байгаа бөгөөд ойд зориулсан анхны барилдаан амжилттай зохион байгуулагдаж хүчит бөхчүүд маань уран мэхийг уралдуулан хийж олон сайхан барилдаануудаар үзэгч олноо баясгалаа.