Эквадорын Ерөнхийлөгч Рафаэль Корреа ирэх оны хоёрдугаар сард болох Ерөнхийлөгчийн сонгуульд өрсөлдөхөөр болжээ. Ингэснээр тэрбээр одоогийн албан тушаалдаа гурав дахь удаагаа нэр дэвших юм. Р.Корреа Эквадорыг өнгөрөгч хэдэн жилийн дотор Латин Америкийн нөлөө бүхий орны нэг болгосон. Үүнд мэдээж Латин Америкийн холбоодын тэргүүн, Венесуэлийн Ерөнхийлөгч Уго Чавесын хувь нэмэр багагүй нөлөөлсөн юм.
   Эквадорт Венесуэлийн адил сөрөг хүчин маш сул байдаг бөгөөд ирэх сонгуульд Р.Корреа ялах нь бараг тодорхой гэж олон улсын ажиглагчид үзэж байна. Тиймээс ирэх жилүүдэд Латин Америкийн нэгдэл урьдын адил хүчтэй байх нь. Уг сонгуульд барууны орнууд ихээхэн анхаарал хандуулж байсан бөгөөд Рафаэль Корреагаас өөр хүн сонгогдвол тус улсын Жулиан Ассанжийг өмгөөлсөн байр суурь өөрчлөгдөнө гэж найдаж байв.