Богд хаант Монгол Улсыг байгуулан, Монгол Улс туурга тусгаар улс болсноо дэлхий дахинд зарлан тунхагласан түүхт ойн өдөр арванхоёрдугаар сарын 29-нд тохиодог билээ. Тусгаар тогтнолоо сэргээсний 101 жилийн ойгоор Монголын үндэсний бөхийн холбооноос хүчит бөхийн чансаа тодорхойлох барилдааныг зохион байгуулах гэж байна. Тухайн жилийн чансаа хамгийн өндөр 128 бөхийг сарын өмнөөс шалгаруулан олон нийтэд зарлаж, арванхоёрдугаар сарын 29-нд барилдуулах бөгөөд түрүү бөхөд Ерөнхийлөгчийн цом гардуулах гэнэ.