Монголын спортын түүхэнд үнэлэмж өндөртэй, амжилт арвинтай жүдо бөхийн спорт Францад ч топ таван төрлийн нэгт багтдаг аж. Тиймээс Францын телевизийнхэн ийнхүү Монголыг зорин ирж, жүдо бөхийн татамид 66 кг-ын жингийн гол өрсөлдөгчдийн нэг Х.Цагаанбаатарын тухай кино хийхээр болсон байна. 20 минутын баримтат кинонд Монгол орны тухай, талын Монголын хүчирхэг жүдочдын тухай, мөн дэлхийд Монголын нэрийг гаргаж яваа жүдоч Х.Цагаанбаатарын тухай өгүүлэх юм байна. Тус кино Францын CANAL+ сувгаар арванхоёрдугаар сарын 15-нд гарах юм байна.