Аймаг цэргийн цолтой болон залуу 256 бөхийн барилдаан өчигдөр Монгол бөхийн өргөөнд болж, аймгийн хурц арслан Б.Одгэрэл түрүүллээ. Үзүүрт Сэлэнгэ аймгийн Мандал сумын уугуул, аймгийн начин Н.Энхжаргал үзүүрлэв. Их шөвөгт Сүхбаатар аймгийн Онгон сумын уугуул аймгийн хурц арслан Ш.Мөнгөнбаатар, Завхан аймгийн Алдархаан сумын уугуул аймгийн арслан Л.Лха-Очир нар шалгаран үлдсэн байна.