Европын холбооны Гадаад харилцааны сайд нар Украины парламентын сонгуулийг хэлэлцэхээр болжээ. Тус улсад саяхан болж өндөрлөсөн парламентын сонгууль ихээхэн гомдол дагуулсан байна.
Тиймээс Европын холбооны гишүүн 27 орны Гадаад харилцааны сайд өчигдөр Брюссель хотноо уулзах үеэр Украины парламентын сонгуулийн талаар хэлэлцэхээр болжээ. Хэрвээ сайд нарын талаас илүү хувь нь Украины парламентын сонгууль булхайтай болсон гэдэгтэй санал нэгдвэл хүчингүйд тооцох гэнэ. Украины сөрөг хүчнүүдийн мэдэгдсэнээр, парламентын сонгуулийн нэг мандаттай тойргуудын олонход нь санал тоолох үеэр булхай оржээ.
Үүнтэй холбогдуулан Европын холбооны Гадаад бодлогын тэргүүн Кэтрин Эштон Украины эрх баригчдыг парламнетын сонгуультай холбоотой бүх гомдлыг шийдвэрлэх, баталгаа гаргаж өгөхийг хүссэн байна. Украины парламентын сонгууль өнгөрөгч аравдугаар сарын 28-нд явагдсан бөгөөд Ерөнхийлөгч Виктор Януковичийн Бүс нутгуудын нам ялалт байгуулж олонхи болсон юм.