Тагнуулч 007-гийн тухай өгүүлдэг "Жеймс Бонд" цувралын шинэ од, Британийн жүжигчин Даниел Крейг Афганистанд зочилжээ.

Тагнуулч 007-гийн тухай өгүүлдэг "Жеймс Бонд" цувралын шинэ од, Британийн жүжигчин Даниел Крейг Афганистанд зочилжээ. Гэхдээ тэрбээр Афганистан дахь эх орныхоо буюу Британийн цэргийн баазад зочилсон байна. Тэрбээр Афганистан дахь Британийн цэргийн хамгийн том бааз "Кэмп Бастион"-д зочилж, цэргүүдтэй уулзсан юм. Уг айлчлал "Кэмп Бастион" дахь британи цэргүүдэд томоохон сюрприз болсон гэнэ.
Жүжигчин Д.Крейг өөрийн тоглосон хамгийн саяхны кино болох 007-гийн шинэ анги "Skyfall"- ийг цэргүүдэд үзүүлэхээр ирсэн нь энэ аж. Түүний киног уг баазын 800 орчим цэрэг, усан цэрэг, нисгэгч үзжээ.
Үүнээс гадна "007" цэргүүдтэй чөлөөтэй сэдвээр санал бодлоо хуваалцаж, тэдний бэлтгэл сургуулилттай танилцаж, бааз дотор Британийн тусгай хүчний байлдааны онцгой тээврийн хэрэгсэл унаж, "машин ган" хэмээх сийчигч пулемётоор гал нээж үзжээ. Мөн баазын эмнэлгийн ажилтан, албан хаагч болон өвчтнүүдтэй уулзсан байна.