Хойд Солонгосын эрх баригчид Өмнөд Солонгосын Ёнпхёндо арал уруу их буугаар буудна гэж мэдэгджээ. Тус улс өмнө нь Ёнпхёндо арал уруу их буугаар буудсаны улмаас Өмнөд Солонгосын дөрвөн иргэн амь үрэгдэж, 19 хүн шархдаж байсан юм. Хойд Солонгос Өмнөд Солонгосын уг арал уруу 2010 оны арваннэгдүгээр сарын 23-нд гал нээсэн бөгөөд өнөөдөр хоёр жилийн ой нь тохиож байна.
Өөрөөр хэлбэл, Хойд Солонгос энэ өдөр гал нээнэ гэж мэдэгджээ. Гэхдээ өмнөдийнхөн бүс нутгийн энэхүү зэвсэгт мөргөлдөөний хоёр жилийн ойг тэмдэглэвэл гал нээнэ гэжээ. Өмнөд Солонгосын албаныхан уг өдөр амь үрэгдсэн хоёр энгийн иргэн, хоёр усан цэргийг дурсах арга хэмжээнд хэдийнэ бэлтгэж эхэлсэн юм.
Тус улс үүнээс өмнө буюу нэг жилийн ойг тэмдэглэн өнгөрүүлж байсан бөгөөд хүндэтгэлийн арга хэмжээнд оролцогч жирийн иргэд хойд хөршийнхөө энэхүү үйлдлийг хүчтэй буруушааж байв. Үүнтэй холбоотойгоор Пхеньяний эрх баригчид эл өдрийг хойшид тэмдэглүүлэхгүй байхаар шийдсэн бололтой.