Хятадын удирдлагууд үнэт эдлэлийн дэлгүүрийг хэдхэн секундын дотор цөлмөж орхисон хэргийн талаар мэдээлэл хийсэн байна.

Хятадын удирдлагууд үнэт эдлэлийн дэлгүүрийг хэдхэн секундын дотор цөлмөж орхисон хэргийн талаар мэдээлэл хийсэн байна. Дэлгүүрийн хяналтын камерт хэргийн бүхий л ул мөр бичигдэж үлдсэн байсан бөгөөд дээрэм ердөө л 16-хан секунд үргэлжилсэн байжээ.
Уг хэрэг өнгөрөгч 11 сарын 15-ны оройн 7 цаг 30 минутын үед Юннан мужийн баруун өмнөд хэсэгт орших үнэт эдлэлийн дэлгүүрт болсон бөгөөд нүүрээ далдалж, зүсээ хувиргасан дөрвөн эрэгтэй алх, цохиур барин дэлгүүрт орж ирж, улмаар үнэт эдлэлийн шилэн хоргыг хага цохин, хүзүүний зүүлт тэргүүтэй гоёл чимэглэлийн зүйлсийг хамж одсон байна. Дэлгүүрийн худалдагч эмэгтэй ихэд сандран айсан бөгөөд дүүргийн цагдаад мэдэгджээ. Цагдаа нар хэргийн газар ирж, хохирлын хэмжээг тогтоосон бөгөөд үнэт эдлэлийн нийт өртгийн хэмжээ 10000 ам.доллар болсон гэнэ. Цагдаагийн албан хаагчид өндөр зохион байгуулалттай, сайн ажилласаны үр дүнд дээрэмчдийг удаах өдөр нь барьсан байна.