Соёл, спорт, аялал жуулчлалын яамны зүгээс олон улсын чанартай тэмцээн, уралдаанд амжилт гаргасан тамирчин, дасгалжуулагчдыг өнөөдөр шагнана. Олимп, дэлхий, тивийн зэрэглэлийн тэмцээнүүдэд амжилт гаргасан тамирчин болон дасгалжуулагчийг шагнаж урамшуулах тухай Засгийн газрын тогтоолын дагуу жүдо бөхийн дэлхийн цомын аварга шалгаруулах тэмцээн, шатрын өсвөрийн дэлхийн аварга шалгаруулах тэмцээн, аэробик гимнастик, ширым бөхийн дэлхийн аварга шалгаруулах тэмцээнд амжилттай оролцсон хүмүүс энэ шагналд багтаж байгаа аж. Нийт 31 тамирчин, дасгалжуулагчийг урамшуулах бөгөөд тэдэнд 141 сая төгрөгийн мөнгөн шагналыг олгохоор шийдвэрлэжээ.