Бээжингийн 23 настай загвар өмсөгч Ван Сиаомен өнгөрөгч даваа гарагт 9 сар шоронд суух ял авчээ. Тэрээр цагдаа хувцас өмсч зургаа авахуулж, интернэт хуудаснаа байршуулсан бөгөөд цагдаагийн албан хаагчийн дүрэмт хувцсыг үл хүндэтгэсэн гэгдэж, улсын хатуу хуулийн дагуу шийтгэгдсэн байна.
Түүний интернэт хуудаснаа байршуулсан зураг хэдхэн цагийн олон мянган хүний нүдэнд өртөж, тараагдсан бөгөөд буруутган зэмлэсэн сөрөг сэтгэгдлээр булагдсан аж. Үүнийг харсан загвар өмсөгч бүсгүй айж сандран, нэн даруй зургаа устгасан боловч хэдийнэ холбогдох албаны хүмүүст хүрсэн байсан гэнэ.
Ван хууль цаазыг санаатайгаар зөрчин, цагдаагийн албыг доромжлоё гэсэн санаа агуулаагүй, гэнэн цайлган сэтгэлээр хандан, цагдаагийн дүрэмт хувцсыг өмссөн нь  тодорхой боловч, түүнийг хууль цаазыг уландаа гишгэж, төрийн нөлөө бүхий байгууллагын нэр хүндэд бүдүүлгээр халдан, дүрэмт хувцсыг нь өмсч, дайжигнасан хэмээн буруутгасан байна.